|
 |
एनके संवाददाता 
|
 |
पाचौँ डिभिजनबाट अयोग्य लडाकु फिर्ता, बहिर्गमन प्रक्रिया सम्पन्न |
| [2010-02-09 오후 3:09:00] |
एकीकृत नेकपा माओवादी अध्यक्ष पुष्पकमल दाहाल प्रचण्डले माओवादी शान्ति र संविधानप्रति प्रतिवद्ध रहेको बताउनुभएको छ । पाचौँैं डिभिजन मुख्यालय दहवनमा अयोग्य लडाकुहरुको बिदाइ कार्यक्रमलाई आज संबोधन गर्दै प्रचण्डले यस्तो बताउनुभएको हो । अध्यक्ष प्रचण्डले अयोग्य लडाकुको बिदाईले आफूहरुको प्रतिवद्धतालाई पुष्टि गरेको बताउनुहुँदै माओवादीले शान्ति संझौताको अक्षरशः पालना गरेको दावी गर्नुभयो ।
प्रचण्डले केही प्रमुख दलहरु शान्ति र संविधानप्रति जिम्मेवारी नभएको आरोप पनि लगाउनुभयो । उहाँले माओवादी समयमै संविधान र शान्ति प्रक्रियाले पूण्ता पाउनुपर्छ भन्ने मान्यतामा रहेको बताउनुभयो । प्रचण्डले शिविरमा नरहँदैमा कोही अयोग्य र रहँदैमा योग्य नहुने भन्दै राष्ट्र र जनताप्रति समर्पित कोही कहिल्यै अयोग्य नहुने बताउनुभयो ।
प्रचण्डले अयोग्य लडाकुहरुलाई राष्ट्र र जनताको पक्षमा काम गर्न आग्रह गर्नुभयो । रोल्पाको दहवनमा अवस्थित जनमुक्ति सेनाको पाचाँ डिभिजनमा रहेका अनमिनको मापदण्डमा नपरेका २ सय ८४ जना लडाकुको आज बिदाई गरिएको हो ।
पाचौँ डिभिजन मुख्यालय दहवनसहित सहायक शिविरहरू गैरी गाउँको टिला, मसिनाको उघाँ, होलेरीको खस्रे र दाङको सग्राममा रहेर मापदण्डमा नपरेकाहरूलाई शिविरबाट बिदाइ गरिएको हो । मापदण्डमा नपरेका ३ सय ९६ जनामध्ये केहीले भने यसअघि नै शिविर छोडिसकेको पाचाँ डिभिजन कार्यालयले जनाएको छ । बिदाई समारोहमा एकीकृत नेकपा माओवादी माओवादी अध्यक्ष पुष्पकमल दाहाल प्रचण्ड, माओवादी स्थायी समिति सदस्य वर्षान पुन, जनमुक्ति सेनाका प्रमुख नन्दकिशोर पुन, डेपुटी कमान्डर चन्द्रप्रकाश खनाल, अनमिन प्रमुख करिन ल्यानग्रेन्डलगायतको सहभागिता रहेको छ ।
करिव ३ वषएदेखि अस्थायी शिविरमा रहदै आएका जनसेनाहरुलाई आज अनमिनले नयाँ परिचयपत्रसहित १० हजार रुपैयाँ र एकीकृत नेकपा माओवादीको तर्फाट १२ हजार रुपैयाँसमेत हस्तान्तरण गरिएको छ । अहिले पाँचौ डिभिजनमा प्रमाणिकरण भएका २ हजार ४ सय ३० जना जनमुक्तिसेना रहेको डिभिजनले जनाएको छ ।
|
|
|
|
|
|
|
|
