|
 |
एनके संवाददाता 
|
 |
'साहको हत्याले सरकारलाई सुरक्षा चुनौती' |
| [2010-02-09 오후 3:24:00] |
.jpg)
|
परराष्ट्रमन्त्री सुजाता कोइरालाले संचार उद्यमी जमीम साहको हत्याले सरकारलाई सुरक्षाको चुनौती थपेको बताउनुभएको छ । बिहान जमीम साहका परिवारलाई सान्त्वना र सहानुभूति दिन बिहान कमलपोखरी पुग्नु भएकी परराष्ट्रमन्त्री कोइरालाले परराष्ट्र मन्त्रीका हैसियतले आफुले पनि हत्याको सत्यतथ्य पत्ता लगाउन छुट्टै पहल गर्ने बताउनुभयो । कोइरालाले सुरक्षाप्रति सरकारको कमजोरी रहेको स्वीकार गर्नुभयो ।
परराष्ट्रमन्त्रीले हत्यारा जुनसुकै अपराधी सञ्जालमा भए पनि पक्राउ गरेर कडा भन्दा कडा कारबाही गरिने बताउनुभयो । गृहमन्त्री भीम रावल नेपाल फर्किने बित्तिकै उहाँसँग जानकारी लिइने र काठमाण्डुको सुरक्षा व्यवस्था थप कडा पारिएको मन्त्री कोइरालाले बताउनुभयो ।
कुनै बेला कांग्रेसका सभापति गिरिजाप्रसाद कोइरालाको हत्या गर्ने प्रयास भएको दाबी गर्दै तर त्यस घटनाको छानबिन गर्न सरकारले गठन गरेको छानबिन समितिले कुनै काम गर्न नसकेको मन्त्री कोइरालाको भनाइ थियो ।
उहाँले अहिले गठन गरिएको आयोग पनि त्यस्तै हुनेमा आफुलाई शंका रहेको बताउनुभयो । परराष्ट्रमन्त्री कोइरालासँग शाहका बुवा डाक्टर मोइन साहले सरकारले प्रतिबद्धता जनाउनु भन्दा पनि पहिले काम गर्न सुझाव दिनुभयो ।
|
|
|
|
|
|
|
|
