|
 |
एनके सवाददाता 
|
 |
संविधान निर्माण प्रक्रिया छोट्याइने |
| [2010-03-08 오후 3:08:00] |
.jpg)
|
संविधानसभाका अध्यक्ष सुवासचन्द्र नेम्वाङले प्रक्रिया छोट्याएर भएपनि तोकिएकै समयमा नयाँ संविधान जारी हुने बताउनुभएको छ । नेम्वाङले यसका लागि आफूले दलहरुसँग नियमित छलफल गरिरहेको जानकारी दिनुभयो । संचारकर्मीमाझ सभाध्यक्ष नेम्वाङले आन्तरिक कार्यतालिका संशोधन गरी जेठ १४ मै संविधान जारी हुने बताउनुभएको हो ।
संविधानसभाका ११ विषयगत समितिले तयार गरेका मस्यौदा प्रतिवेदनलाई आधार बनाएर तोकिएको समयमै नयाँ संविधान जारी गरिनुपर्ने नेम्वाङको भनाइ छ । राष्ट्रपति, प्रधानमन्त्री र प्रधानन्यायाधीशसँग हिजो भएको भेटवार्तामा पनि तोकिएको समयमै संविधान बनाउनेबारे छलफल भएको नेम्वाङले जानकारी दिनुभयो ।
यसैबीच, संविधानसभाको संविधान लेखन कार्यतालिका परिवर्तनको विषयमा सभाध्यक्ष नेम्वाङले प्रमूख दलका नेताहरुसँग आज अनौपचारिक छलफल गर्नुभएको छ । संविधान निर्माणको प्रक्रिया छोट्याएर जेठ १४ मै संविधान जारी गर्ने विषयमा उहाँले नेताहरुसँग छलफल गर्नुभएको हो ।
संविधानसभाको मंगलवार बस्ने बैठकले संविधान लेखन कार्यतालिका १० औं पटक संशोधन गर्दैछ । स्रोतका अनुसार अबको संशोधनमा संवैधानिक समितिले नयाँ संविधानको एकीकृत मस्यौदा तयार गर्ने समयावधी र नागरिकसँग अन्तक्रिया गर्ने समय छोट्याउन लागिएको हो ।
|
|
|
|
|
|
|
|
