|
 |
एनके संवाददाता 
|
 |
कांग्रेस र एमाले विदेशीसामु झुके सेनाले साथ नदिने-अध्यक्ष दाहाल |
| [2010-03-11 오전 12:27:00] |
.jpg)
|
एकीकृत नेकपा माओवादीका अध्यक्ष पुष्पकमल दाहालले जेठ १४ भित्र संविधान नबने जनआन्दोलन गर्ने बताएका छन्।अन्तराष्ट्रिय नारी दिवसको अवसरमा सोमबार खुलामञ्चमा आयोजित कार्यक्रममा बोल्दै उनले कांग्रेस र एमालेले विदेशीसामु झुके सेनाले साथ नदिने बताए।
उनले राष्ट्रिय स्वाधिनताको पक्षमा सेना रहेको उल्लेख गर्दै सेनाले सधै परिवर्तनलाई साथ दिने बताए। राजतन्त्रलाई बचाउन नलागेको नेपाली सेनाले आफूलाई बचाउने छ भन्ने दक्षिणपन्थीहरुले सोच्छ भने त्यो भ्रममात्र भएको उल्लेख गर्दै उनले सेनले परिवर्तनलाई आत्मसात गर्ने विश्वास व्यक्त गरे।
अध्यक्ष दाहालले माओवादीले जनविद्रोह गरी सत्ता कब्जा गर्छ भन्ने भ्रम फैलाएर शान्ति प्रक्रिया र संविधान निर्माण कार्यलाई भाड्ने षड्यन्त्र भइरहेको आरोप लगाए। कांग्रेस र एमालेले शान्ति प्रक्रियालाई भाड्न अध्यारो कोठामा बसेर षड्यन्त्र गरिरहेको उनको दावी थियो।
उनले सरकारलाई यो कुहिएको फर्सी हो, दुङदुङती गन्हाइरहेको छ भन्दै जतिबेला पनि झर्न सक्ने दाबी गरे। त्यसको साथै उनले माओवादी नेतृत्वको राष्ट्रिय सरकार बनेपछिमात्र शान्ति प्रक्रिया र संविधान निर्माण निष्कर्षमा पुग्ने पनि दाबी पनि गरे।.
|
|
|
|
|
|
|
|
